超人嘆私有化難「結業最好」

蘋果日報 2009年05月22日


近期市場關注上市公司私有化問題，長實（001）主席李嘉誠昨日表示，在香港要私有化存在很高難度，只要一家上市公司部份小股東「同你過唔去」，遇上「股東搞事」，便「絕對無可能」成功私有化；「超人」認為，簡單宣佈結束業務會更好。


拒評電盈私有化
電盈（008）私有化弄得滿城風雨，大股東李澤楷被小股東痛斥，而作為其父親的李嘉誠，一直並無公開表態。他昨日出席長實股東會後，被記者追問有關事件，以及對私有化相關條例的看法，他重申，不會評論自己集團以外的事，亦促請傳媒「Richard（李澤楷）啲嘢應該問番 Richard」，但作為上市公司主席，他認為，在香港進行私有化難度極高。
李嘉誠說，「私有化呢個問題，最容易係宣佈結束（公司），咁就最簡單，將間公司估值幾多咪結束，以後私有化喺香港係一個名詞，只要係任何股東去搞事，私有化絕對無可能」。
他續稱，「無論邊個國邊個地方，今日想 privatization（私有化），你要100%股東係冇同你過唔去，只要有啲同你過唔去呢，你係唔使諗私有化會成功，最好辦法係結束（公司），就乜事都冇，但係勞民傷財」。


「股東同你過唔去唔使諗成功」
他又指，私有化的監管條例有需要釐清之處，因為香港相關法例，分別有源自英國及美國的法例，但一些美國已修改的而香港卻未改。
對於電盈私有化風波，最新發展是李澤楷任大股東的盈科拓展已向上訴庭提交終審上訴申請，李嘉誠謂，「我只係知道有咁嘅事，我自己集團以外嘅嘢唔會講」。
電盈小股東大聯盟成員陳仲翔表示，很難評論李嘉誠的言論是否針對電盈，但相信亦非針對長和系公司。