[知識]危疾保障的種類

人壽同危疾是兩種不同 0既險種，所以不能以人壽來代替危疾。人壽 0既定義，係投保人發生死亡才會作出賠償。但早幾年，有些儲蓄人壽，有附加埋一個計劃送出來，就係經兩個醫生證實壽命不超過12個月，就會由人壽保額裡賠出1半的保額。當然日後當投保人不在時，受益人祇有1半的賠償額啦。

聽聞有些會跟年齡加保費; 那麼未來的保費會很貴!？

其實要攪清楚保險 0既概念。當然最好就，今日參加，明天就有事，咁就最扺。但邊有人參加保險希望有事先得架；個個都祇係希望有個保障。所以你反而要諗，自己 0既供款能力。如你經濟許可的話，不妨考慮保費不變的。

或者我又講講危疾賠償的計劃特性先：

1.有些危疾保險係會附加在儲蓄人壽保險上的，呢種危疾係當投保人發生保障範圍內的疾病，就會作出賠償，如附加的保額同人壽保額是一樣的話，呢份保單就會終止，因賠出來的危疾保額是附架在人壽上，所以有危疾就賠危疾，有死亡就賠人壽。所以祇係賠其中一樣的。呢種計劃 0既好處就係所有保費係固定不變，即係供到幾多歲都係咁多錢保費，但因有儲蓄成份在內，所以會比較貴些，但冇事的話，到退休或退保時可取回保單內之價值。

2.有些危疾是附加在冇儲蓄成份上的人壽(定期人壽保險)，而有些公司的定期人壽保險，有1年、5年、10年、65歲，1年的，即是每年根據當其時的年齡加保費；5年的，就係5年內不會加價，到滿左5年年 0既時候，就按照到期時的達致年齡去加價；10年就10年唔加價啦，............如此類推，65歲，就等於供到 65歲都唔加價啦。當然，越長時間唔加價的，當然係最貴啦。呢個亦都係一樣，賠償祇會賠一樣。

3.呢種危疾係獨立投保，不會話有事時，會賠出人壽的，但一般來講，呢種危疾的優點係唔會影響人壽的投保額，而缺點係會年年跟據達致年齡去加費，後生時當然唔會太貴，但年紀越大，就會保費會越來越高。

不過，如果自己能力未能做到有儲蓄成份的話，我建議可考慮第2或3先，待日後經濟能力穩定後，才將佢轉做第1種也可以的。

另一樣要留意 0既係，如投保 1或2時，要清楚危疾保障至幾多歲，如祇去到65歲，就真係作用不大，因年紀越大，病痛就會越多，而家一般保險公司都保障至 80歲或100歲。

在我個人認為，如自己的錢銀有限，可先考慮左保障先，最後才考慮儲蓄或投資保險，因不足保障，重講甚麼儲蓄呢？所以千祈唔好本末倒置。

一般保障，起碼要有意外、人壽、危疾、同住院。而保障額方面，一定要足夠，如果唔夠的話，有起事上來又係幫唔到手。

而邊間公司會好些？好老實講，冇話邊一間好晒 0既，其實間間都差唔多，唔會相差太遠，最緊要附合得到你需要便可以了。而家好多公司都會有包括 46種以上危疾在內，所以你反而要考慮以上的 1,2 ,3 邊種適合自己，而去選擇公司。如你選 2,3 的話，就不用花太多心去揀，因冇儲蓄成份，隨時可以停左去。但要小心，一般危疾都有等候期，一般都係 60天，所以日後轉時，一定要等新單滿左60天，才好停舊危疾呀。